Love and Gratitude :)

Contributor: Bhatti Priyanka, Changeagent from LTC Spring 2013

Is safar me kuch khas hai,

Anjana ek ehsas hai

Najane ab milenge kab,

Fir bhi dil me aas hai.

Pyar jo barsaya isne,

Pyar jo dikhaya sabne,

Pyaar se hi duniya kayam,

Khub ye samjhaya isne.

Mili dishaey raaho ko,

Ummeed se bhara jeevan,

Dar mat, aage badh,

Dikhaya sabko ye darpan

Bikhri hui zindagiyo ko

Apnepan se sawara isne

Bhed bhav kiye bagair

Ek naya insan bnaya isne

Sangharsh kiya na, to kya kiya

Khub ghudkaya tha isne

Par har chunauti ke aage jeet hai,

Sahi maayino me batlaya isne.

Aaya fir dukho ka pehlu

Khoya bharosa khud par se

Khot mujhi me kyu hain itne

Kyu na mai sab  jaanu samjhu

Aage hai jeevan apna,

Kyu dekhe tu ulta rasta

Aankhein kyu aage ki or

Samajh tu devo ki ye rachna

Har kadam pe diya sath

Girakar hai uthaya isne

Gyan se agyan, fir agyan se gyan

Yu Prakash ki or, le jaya isne

Ant sabhi ka hota hai

Satya hai ye sansar ka

Par ye kahani khatm hai

Ya naya prakram samaj ka

Khud hi me hain hal sare

Hua hme ye abhas hai

Dekh zara tu fir mudkar,

Ye safar zarur kuch khas hai!

And yes, YA and LTC are indeed pyaaaaaaaaaaar! :’)